مستر فارس جزاك الله عنا خير الجزاء من أفضل المدرسين اللي خففوا علينا رحلة الثانوية بالنسبة للشرح فالشرح حاجة عظيمه، يقدر يخليك طالع من الحصه فاهم كل تفصيله ف الدرس، ممكن يعيد بدل المرة ألف، ويجاوب على أى أسئلة تتسأل ومهما كان عددها. وبالنسبة للحل والامتحانات فدى ميزة كبيرة أوى في مستر فارس لانه بيحل كتير أوى فوق المتوقع بجد وتقريباً كل حصة امتحان. وبالنسبة للمراجعات فبتكون منظمه بشكل جميل اوى والمستر بيراجع معانا شرح وحل يعنى كان بيراجع شرح الباب والنقاط المهمه فيه وكمان كنا بنحل عليه كتير اوى اوى من كتب مختلفه وهكذا مع باقى المنهج. وبالنسبة للمزكرة حاجة كدا تملى العين زى ما بيقولوا نظام والوان والشرح مرتب وبكل تفاصيله وملاحظات بالنقط المهمه وفى جزء كبير من المزكرة بيكون تدريبات وأسئلة مدرجه من الأسهل للاصعب بجد يعنى كنز حقيقى تحطه ف عينك طول السنه.

أحب أشكر المستر علي المجهود الجبار اللي عمله معانا من أول يوم في الدراسة لغاية أخر يوم سواء حل أو شرح أو مراجعة والاهتمام بتفاصيل المنهج وأهم النقط واللي ساعدتنا كتير أوي وطبعا أهم حاجه الحل حلينا كمية أسئلة كتيرة أوي من كتب كتير جداً وربنا يكون في عونكم من امتحانات المستر

الشرح ممتاز ومتابعه دوريه كل حصه بامتحان فدا كان بيساعدنا اننا نراجع أول باول ومنأخرش حاجه علينا وكنت أخ لينا دايما فبشكرك مرة تانيه علي تعبك معانا وربنا يوفقك في اللي جاي

بالنسبة للدرس عموما كان حاجة فوق العظمة من جميع النواحي وفي كل المراحل بس لو جيت اقسمه لشرح ومراجعة وحل اسئلة هيكون المشترك بينهم دايما مجهودك الكبير جدا اللي طول السنه موجود من اول الشرح المبسط اللي يتناسب مع كل العقليات والاسئلة اللي مكنتش موجودة غير في المذكرة واللي كان فيها تدريج لكل المستويات وكل دا كوم والمراجعة النهائية دي كوم تاني من كم الاسئلة والأفكار وكمية الحل اللي الواحد حله ودا اثره كان واضح جدا واحنا في الامتحان النهائي وشايف ناس طالعة تشتكي في حين احنا كنا مبسوطين من الامتحان بس الحمدلله مجهودك كان فارق معانا جدا جدا

صراحه مستر فارس مش محتاج حد يقول رأيه في شرحه خالص طريقه شرح مبسطه بطريقه روعه مناسبه لكل المستويات وحل علي كل جزئيه أجمل حاجه كنت بحبها أن مستر فارس مش بيفرق بين طالب وطالب بيعامل كل الطلاب سواء مفيش تمييز ابداً ودي نقطة ديما بتفرق في نفسية الطلبة وحبهم للمدرس وديما ينصحنا ويعاملنا كاخوه مش طلبه ابدا بالنسبه للمراجعه فطبعا حاجه متتفوتش ابداً مستر فارس بيعيد شرح المنهج كله من أول وجديد ويظهر النقاط المميزه ويضيف أفكار جديده مع كل مراجعه مستر فارس أروع مدرس فيزياء وكيمياء عن جداره واجتهاد بالتوفيق ديما يامستر وديما في تميز بإذن الله

الاستاذ فارس من المدرسين المجتهدين والشغوفه أوي بالفيزياء والكيمياء وبتدريسهم المذكرات بجد بتبقي معمولة باجتهاد أوي أفكار مسائل وحلها بعد كل درس وكم أسئلة شامل كذا فكرة من كذا كتاب ورا كل باب دا غير امتحان كل حصة وامتحان شامل علي الباب وكتب المراجعه ال مليانه بكم كبيير اوي من الافكار ودا جزء مميز أوي الحل الكتير ال كنا بنحله والامتحانات دا كان بيفهمنا أكتر ويثبت كل معلومة بشكل كويس جداً

الشرح مش محتاج كلام، الشرح بالتفصيل والتركيز على أدق التفاصيل وقت المراجعة اللي غالبا بيبدأ من شهر 3 دا ألذ وقت ف السنة كلها، بيتعاد الشرح من أول تاني بس بطريقة لذيذة وتريكات وتشغيل دماغ